Darem nog betyds vir Hester se eier lê sessie:
Ek het gedink ek het ‘n oulike idioom maar mister Google het amper niks daaroor nie…dus skryf ek maar net wat ek weet.
My ouma was lief om te sê “met spot gaan jy na bed” en ek het eers as grootmens dit weer by my ma gehoor asook die betekenis.
Wanneer jy met iemand spot moet jy versigtig wees dat dit nie met jou ook gebeur nie. Sommige mense het egter geglo dit beteken dat jy tot trou (of bed) kan kom as jy met ‘n ‘jongetjie’ (jongman) spot.
By gebrek aan die regte prentjie plaas ek maar onderstaande spotprent. Die tante kan maar spot met die oom en “gaat naar bed”. Hulle is immers getroud.
“Om die inskrywings van verskillende bloggers in Lê-Jou-Eier te geniet of om self ‘n eier te kom lê wat ons kan uitbroei en grootmaak, kliek op die volgende InLinkz skakel:
Vir die reëls van hierdie eier-boerdery, om raad te kry oor hoe om deel te neem en om elke week se aankondiging van die nuwe onderwerp te sien, besoek die volgende skakel by Dis Ekke.
Nuwe onderwerpe word aangekondig elke Donderdag om 12:00 en sluit outomaties na een week.”