Huistoe!!!

Ons was verlig om die lughawe betyds te bereik maar ook baie bang ons bagasie is te swaar.   Ons was so 4kg elk oorgewig maar is deurgelaat – dankie Liewe Jesus!!!! Ons het na die badkamers toe gestorm en van kop tot tone gewas na al die stappery en ons was nou gereed vir die 12 ure vlug huis toe.  Ons vlug vanaf Jordanië na Egipte is vertraag met ‘n uur en toe ons in Egipte aankom moes ons hardloop van die een kant van die lughawe tot die ander kant om betyds ons Egipte vlug te vang.

Daar is ‘n gesegde in Israel – “sien jou volgende jaar in Jerusalem!”.  Dit hoef nie volgende jaar te wees nie Heer maar mag ek groot asseblief weer gaan?”

 

Baie dankie vir almal wat my Israel toer saam met my beleef het, ek waardeer dit verskriklik baie!

Moses kyk net na die beloofde land!

Terug van Petra kry ons middagete op die bus en nou is ons oppad na Amman.  Ons stop eers by Mount Nebo waar God vir Moses die beloofde land gewys het voor hy dood is en waar hy nie kon ingaan nie.

Dit voel soms of ons honderde kilometers gery het maar dan kom ons agter die vorige stad is net om die draai.  Ons is 3 dae gelede weg uit Jerusalem en soos die kraai vlieg is dit maar 46km.

Moses se uitsig oor die beloofde land:

Petra – die pienk stad van marmer – 2

Ons gaan 13km loop af in die kloof na die versteekte pienk marmerstad toe en terug en gaan stokflou en natgesweet wees en dan moet ons nog vanaand 12 ure vlieg Suid Afrika toe.

As die pad te lank word kan jy vir 30 dollar (meer as R300) ‘n donkie of perdekar huur en kameel ry.

Die moeilikste van hierdie ervaring is om dit te probeer weergee met ‘n foto, dis onmoontlik!

Mens loop nog in die kloof en dan ewe skielik is hierdie enorme paleis voor jou. 39.5m

Sy verkoop poskaarte en alhoewel die gids ons gevra het om nie by die kinders te koop nie (anders wil hulle nie skoolgaan nie) kon ons daai gesiggie nie weerstaan nie.

Hulle karring aan mens om te koop en my verskoning van “no cash, only credit card” het nie gehelp nie hulle het ‘n kaartmasjien, hehehehe.

So 600 trappe op is ‘n klooster.

 

Hier woon nog so 16 gesinne.

 

Ek was bietjie versigtig om by ‘n ‘Tomb shop” roomys te koop.

Petra – die pienk stad van marmer – 1

Oppad na Petra stop ons bo-op die berg met die wonderlikste uitsig, maar dis so koud ons bibber en ek moet my pasmina vir Liesl leen om oor haar skouers te gooi.

Die hotel loop in vlakke en is baie mooi.  Die uitsig is onbeskryflik.  Dis ons laaste dag en ons is oppad Petra toe.

n Arabiese vrou begin sommer vir ons ‘baba’ in die groep wys hoe om haar kopdoek te vou.  Sy is hier alleen en die toer is haar mondigwordings geskenk van haar ouers. ‘n Pragtige vriendelike kind.

Petra is ‘n stad wat uit pienk steen gekap is en was in Bybelse tye die stad Sela, hoofstad van Edom.  In 800-600vC kap die Nabateans van Noord Afrika vir hulle ‘n stad uit die steen.  Hulle het baie rondgetrek en het nie hulle huise permanente strukture gemaak nie maar meer grafte.  In 10cvC neem die Romeine die stad is.  Die Bedouins wat daar gaan woon sny die stad vir die volgende 1000 jaar heeltemal af van die Weste en pas hulle geheime stad jaloers op.  Hulle weier toegang van enige vreemdeling.  In 1812 het ‘n Sweedse ontdekkingsreisiger, Burckhardt homself vermom as ‘n Muslim en kry toegang deur vir hulle te vertel dat hy ‘n eed afgelê het om ‘n bok te offer by die Berg Aaron (waar hulle glo Moses se broer begrawe is).  Daar is 2 belangrike plekke waarvan een die plek is waar hulle glo Moses die koperslang omhoog gehou het en die rots wat Moses slaan en daar water uitkom (Exodus 17).  Tot vandag is dit die enigste plek in die barre woestyn waar water te vinde is.   Die moeilikste hier was om die grootsheid op film vas te lê.

 

Eilat

(ek wil net om verskoning vra ek het so rukkie terug hierdie per ongeluk op die verkeerde dag en sonder fotos geblog)

Eilat is ‘n pragtige stad.  Ek het ‘n FB vriendin daar en het nie voor die tyd besef ons gaan tyd daar deurbring nie, anders het ek haar laat weet.

Die water is die helderste en blouste wat ek nog gesien het en is reg oor die wêreld gesog vir duik en seelewe kyk.

Van hier kan mens Saoedi-Arabië sien.

Daar is ‘n baie interessante fabriek waar edelstene verwerk word, Eilat Stone.  Die pragtige groen steen word net daar aangetref.

 

http://www.turquoiseguide.com/articles/turquoise/variations/eilat-stone.htm#ophir