‘n Vriendin wat binnekort ophou werk stuur hierdie vandag vir my. Ek gaan haar baie mis en eintlik besef ek nou eers wat het sy vir my beteken en is ek spyt dat ons nie meer tyd saam deurgebring het nie. Ek weet nie wie hierdie geskryf het nie maar ek moet dit deel:
My Vingerafdrukke!
“Here, oral waar ek gaan laat ek vingerafdrukke na.
Op die hande wat ek aanraak, op borde, mure en boeke.
Daar is nie wegkomkans nie,
waar ek vat plaas ek ‘n teken van my identiteit.
“Help my Here, om vandag waar ek ookal gaan
hartafdrukke na te laat.
Hartafdrukke van regverdigheid en deernis,
van begrip en liefde,
van barmhartigheid en belangstelling.
Hartafdrukke van hartlike vriendelikheid en
van opregte betrokkenheid.
Mag my hart ‘n ander hart aanraak
en ‘n afdruk van u liefde laat.
“En as iemand sou sê:
“Jou aanraking het my vandag versterk”
laat hulle agterbly met die wete dat dit
U liefde was wat hul in my ervaar het.”
Foto: Louise Roets
Geloof droom skryf 